dard

Bheegi hui aankho ka yeh manzar na miley ga,
Ghar chor key mat jao kahin ghar na miley ga,
Phir yaad bohat aye gi zulfon ki ghani shaam,
Jab dhoop mein koi saaya sir par na miley ga,
Aansoo ko kabhi auz ka katra na samajh na,
Aisa tumhein chaahat ka samandar nahin miley ga,
Is khuwaab key mahoul mein bey khuwaab hain aankhein,
Jab neend bohat aye gi,bistar na miley ga,
Yeh soch lo ab akhri saya hai mohabbat,
Is dar sey jo utho gey to koi dar na miley ga
Dehki ha us ki ankhoon main Naami…..
Yun lagta ha jasey Samandar udass ho…

.--------------------------------------------------------------------
ishq mai ghairat-e-jzbaat ne rone na dya
wrna kya baat thi ks baat ne rone na diya

ap kehte the k rone se na badlain ge nasiib
umr bhar apki is baat ne rone na diya

rone walo se keh do unka b rona ro lain
jnko majburi-e- halaat ne rone na diya

tjse mil kr hamain rona tha,bohat rona tha
tangi-e-waqt-e-mulaqat ne rone na diya

ek do roz kaa sadmaa ho to ro lain
hmko hr roz k sadmaat ne rone na diya
---------------------------------------------------------------------
Hoton pe hasee dekh li ,dil ke ander nahi dekha
Yaaron ne mere gam ka samander nahi dekha

Kitni haseen hai duniya ye dekha hai aapne
Mar mar ke jeene walon ka manzar nahi dekha

Sheshe ka makan tumne bana to liya ae dost
Lekin waqt ke haath ka pathar nahi dekha

Rishtoon ke tutne ka dard aap kya samjhein
Vo lamha kabhi aap ne jee kar nahi dekha

Bhatke roshni ki talaash mein na jaane kahan kahan
Afsos ki apni rooh ke ander nahi dekha
Dehki ha us ki ankhoon main Naami…..
Yun lagta ha jasey Samandar udass ho…
-----------------------------------------------------------------
Kabhi daman kabhi palkain bhigona kis ko kahtay hain
kisi mazloom se poocho k rona kis ko kahtay hain

kabhi meri jaga khud ko rakho to jaan jaogay
k dunya bhar dukh dil main samona kis ko kahtay hain

meri ankhon mere chahre ko ik din ghor se daikho
magar mat poocho weeran hona kis ko kahtay hain

tumara dil kabhi agar pighlay ghum ki hararat se
tumhai maloom hojaye ga rona kis ko kahtay hain
--------------------------------------------------------------------
Yeh kaisi Majboori?

Maanaa k kuch juda sa hai rishta tera mera
Maanaa k manzil shayud iska haasil nahiN
Faqt kuch hi pal haiN teray-meray
Maanaa k is mauj-e-ishq ka saahil nahiN

Teri zulfoN kay dasht main milay jo chaNd lamhaiN
RiNd ho jauN tab teray laboN ka ras pi kar
Aur doobaa rahuN teray mast nainoN ki waadioN main
God main teri meri jaaN ! sir rakh kar

Uff!shiddat say ho meray aagosh main jab tu
Mil jayay un lamhoN main umr bhar ka saqooN
Teray badan ki khusbu bus jayay saaNsoN main meri
Aur har samt ho teri ulfat ka fasooN

Woh teray chayray par khailtaa tabssum
Woh tera meray paas hona to itraanaa
Woh gaanaa tera meray liyay koi naghmaa
Woh haNstay haNstay teri aaNkhoN ka dubdbaa jaanaa

Farz ki zanjeeroN main jakraa
Teray ankahay swaaloN ka bhi gunhagaar hooN main
Aur sun kar tarap jaataa hooN gehray tak
Tera kehnaa dafaatun k tera pyaar hooN main
-----------------------------------------------------------------------------------------------
Hum Kaise Pagal Hotey Thay"
Aik Phool Ko Chunay Ke Khaatir
Kaantoan Say Zakhmee Hotey Thay
Jo Phool Jhooli Main Aa Girtaa
Ussay Chunay Say Dar Jaatey Thay
Hum Kaise Pagal Hotey Thay

Kay Dhundalay Aaino Main Apna
Hum Aks Sa Dhoonda Kartey Thay
Aur Kirchiyaan Chataktay Aaino Ki
Muthi Main Daba Kar Rakhtey Thay
Hum Kaise Pagal Hotey Thay

Jab Sarak Per Chalna Hota Tha
Hum Kashti Lay Kar Chaltey Thay
Aur Beech Bawar Janay Ke Liye
Hum Pedal Nikla Kartey Thay
Hum Kaise Pagal Hotey Thay

Jab Barish Barsa Karti Thi
Hum Chatri Main Chhup Jaatey Thay
Aur Jalti Dhoop Main Nanggay Sir
Hum Chhut Per Uchla Kartey Thay
Hum Kaise Pagal Hotey Thay

Jab Pass Bohat Wo Hota Tha
Hum Us Ko Dekh Na Saktey Thay
Jab Dur Chala Jata Tha Wo
Hum Ahhat Us Ki Suntey Thay
Hum Kaise Pagal Hotey Thay

Jab Sari Duniya Soti Thi
Hum Chand Say Khaila Kartey Thay
Jab Sari Duniya Jaag Uthi
Hum Phir Thak Kar So Jatay Thay
Hum Kitney Pagal Hotey Thay
Hum Kaise Pagal Hotey Thay
Hum Aaj Bhi Waise Chanchal Hain
Hum Aaj Bhi Waise Pagal Hain
------------------------------------------------------------

Dil k sunsaan jazeero’n ki khabar layegaa
dard pehlu se judda ho kar kahan jaegaa

kaun hota ha kisi ka shab-e-tanhaai me
gam-e-furqat hi gam-e-ishq ko behlayegaa

chand k pehlu me dam saadh k roti ha kiran
aaj taaro’n ka fasuu’n khaak nazar aayegaa

raakh me aag dabi ha gam-e-mehroomi ki
raakh ho kar b ye shola humein sulgayegaa

waqt khamosh ha roothey hue yaaro’n ki tarah
kaun lao dete hue zakhmo’n ko sehlayegaa

dhop ko dekh k us jism pe padti ha jhamak
chaao’n dekheinge to us zulf ka dhayan aayegaa

zindagi chal k zara maut ka hamdum dekhein
warna ye jazbaa lahad tak humein le jayegaa
-------------------------------------------------------------------

Dil maiN teri mahobbat ke vo khayalaat nahiN haiN
Ashqo maiN sab bah gaye koi jazbaat nahi haiN

Rishto ki bheed mai khud se ajnabee huN is kadar
Dosto ko pahchaan saku vo nazar saath nahi haiN

Gham ke meri pith par khanjar aiseN haiN chubeN
Mud kar bhi aah bhar saku vo haalaat nahi haiN

RaatoN ke karvatoN se maraasiim puraane haiN
Tere khwaaboN ke anjuman ki kaynaat nahi haiN

Zikra bhi ho tera kahiN to jhook jaati hai Nigaah
Khamoshi ke siva ab labo par koi baat nahi HaiN

Rona bhi agar chaahu to ro bhi na paaunga maiN
Gham mai habib ashko ki ab vo barsaat nahi haiN
---------------------------------------------------------------------

haam Dhaley !*!

Chali aati hain dabey paaun teri yaaden shaam dhaley
ke hoti hai chiraghan dil ki mehfil shaam dhalley

Huay tum kin raahun ke musaafir,itna to bata deteyke lout aatey hain panchi bhi ghar ko shaam dhaley

Tere intazaar mein yoon har roz jhilmilati hain aankhen
ke jaise mazaar pe jalta hai koi diya shaam dhaley

Lout aaey na kahin takra ke arsh se duaa meridil se aati hai aksar yeh sadaa shaam dhaley

Teri doori ka gham sataata rehta hai musalsal mujh ko
tujh bin udaas si hoti hai fazaa shaam dhaley

Teri yaadun se bandhi rehti hai dil ki dharrkanhar dharrkan se tere naam ki aati hai sadaa shaam dhaley

Din ka koi pal bhi teri yaad se ghaafil nahi hota

teri kami ka magar hota hai ehsaas shaam dhaley

------------------------------------------------------------------------
Agar

Agar Jo Dil Ki Suno Gey Tu Haar Jao Gey
Hum Jaisa Peyaar Phir Kahan Pao Gey

Jaan Dainey Ki Baat Tu Her Koi Karta Hai
Zindagi Bananey Wali Kahan Sey Lao Gi

Jo Eik Nazar Dekho Gey Tum Humain
Tu Har Taraf Sirf Hum Hi Ko Pao Gey

Yaqeen Apni Mohabbat Per Itna Hai Mujhey
Meri Chahat Ko Dekhogey To Lout Aao Gey

Meri Aankhon Ke Samandar Mein Doob Gaye Agar Jo
Jana Bhi Chaho Gey Tou Na Ja Pao Gey

-----------------------------------------------------------------------
Muhabbat Dard Ka Sehraa,, Muhabbat Mustaqil Ghum Hai
Muhabbat Aik Pachtawa,, Muhabbat Mustaqil Ghum Hai

Wahi Dard Aaashna Aankhian,, Wahi Betab Se Aanso
Wahi ik Hijar Ka Darya’ Muhabbat Mustaqil Ghum Hai

Wahi Hai Aabla-e-dil Wahi Paaon Kay Chalay Hain
Wahi Kanton Barha Rasta’ Muhabbat Mustaqil Ghum Hai

Wahi Surgooshian Ghum Ki’ Wahi Rut Ratjagon Wali
Abhi Tuk Khuch Nahi Badla’ Muhabbat Mustaqil Ghum Hai

Wahi Hum Log Dewanay Wahi Hai Dard Ka Rasta
Muhabbat Ka Wahi Soda’ Muhabbat Mustaqil Ghum Hai

Muhabbat Dard Hai Jub Dard Dil Main Aan Basta Hai
To Phir Dil Se Nahi Jata’ Muhabbat Mustaqil Ghum Hai

Wahi Dil Dard Ka Tukra Wahi Sham-e-judai Hai
Kahin Bhi Khuch Nahi Badla’ Muhabbat Mustaqil Ghum Hai

-----------------------------------------------------------------------------